Молитва иконе Беседная

Содержание: [Показать]

О чем молятся иконе Беседная: о восстановлении и сохранении православных храмов и обителей; об успехах в строительстве.

Празднование иконы Богородицы Беседная: 27 августа (14 августа по старому стилю).

 Икона Беседная

Молитва иконе Божьей Матери Беседная

"О Пресвятая Владычице Богородице, Небесе и земли Царице! Призри на ны грешныя и недостойныя рабы Твоя, и умоли Сына Твоего, Христа Бога нашего, да оградит ны свыше силою Своею, еже навсегда сохраненным быти нам от всех искушений вражиих и прелестей бесовских. Ты, о Всемилостивая Госпоже Дево Богородице, якоже древле всю Российскую страну удивила еси преславным по воздуху пречестныя Твоей со предвечным Младенцем иконы хождением и святым той града Тихвина посещением, место же сие, пустынно сущее, истинным самошествием и пречудным Твоим со святителем Николаем явлением возвеличила еси: тако и ныне, о Всеблагая Мати Бога Вышняго, покрый ны всеблагим Твоим покровом, сподобивши ны невидимыя благодати Твоей. И якоже древле в богоизбраннем пустыни сей месте богоугоднаго и благоговейнаго мужа божественный зрак неизреченнаго сияния Твоего видети удостоила еси и милостивно к тому возглаголала еси: Тако и ныне, благосердыма очима Твоима, о Всепетая Богомати, со обычною Ти любовию на ны и на вся усердно молящияся и умильно просящия Твоей всесильныя помощи и заступления воззревши, буди, Всеблагая, спасения душ и телес наших Ходатаица пред престолом Сына Твоего и Бога нашего. Спасай убо, о Пресвятая Дево Богородительнице, обитель сию и весь род христианский и вся с верою приходящия и покланяющияся пречистей иконе явления Твоего, Пресвятую же Троицу, Отца и Сына и Святаго Духа славящая, и Твое милостивное со святым Николаем предстательство почитающая, ныне и присно и во веки веков. Аминь".