Молитва иконе Божьей Матери Благодатное Небо

Содержание: [Показать]

О чем молятся иконе Благодатное Небо: о наставлении на путь, ведущий к спасению.

Празднование иконы Богородицы Благодатное Небо проводится 19 марта (6 марта по старому стилю) и в неделю Всех Святых. 

Икона Богородицы Благодатное Небо

Икона Благодатное Небо

Молитва иконе Благодатное Небо

"Что Тя наречем, о Благодатная Богомати Богоотроковице, Пренепорочная Марие? Киими песнопении возвеличим Тя, возвеличенную Небом и землею, Ангелами и человеки? Явися бо на Тебе неслышанное от века на земли и несведомое Ангелами на Небеси таинство, паче ума и слова, вочеловечения Бога Слова,рожденнаго с искони от Безначальнаго Отца без матери и воплощеннаго в Твоей утробе, и с нетленною печатию девства Твоего родившагося. О чудо всех древних и новых чудес! Непреложное Слово Самаго Бога о победоносном семени Жены, и исполнися, и совершися в Безмужней Деве. О неизмеримая глубина премудрости и величия Божия! Киими имены наречём Тя, о Невесто Неневестная? Зарею ли наречем Тя восходящаго на небе солнца? Но Ты - само Небо, из Тебе бо возсия Солнце Правды - Христос Бог наш, Спаситель грешных. Именуем ли Тя вратами, вводящими в потерянный прародителями рай, обиловавший всеми благами? Но Ты Сама еси благодатный рай, произрастившая Цвет нетления, врачующий смердение греха и зловоние прародительскаго тления. Наречем познавшей брака? Но Ты и до старости пребыла Неискусобрачною и девственною до рождения, и в рождении, и по рождении Сына пребыла еси. Наименуем ли Тя Чистою и Святою Мариею, превозшедшею Своею чистотою всех матерей и праматерей? Но Ты не токмо родила Того младенца Христа, но и носила Его при Своих персех, и питала Твоим матеродевственным млеком, Того, Иже питает всякое создание, Емуже со страхом и трепетом предстоят Небесныя силы и Егоже хвалит всякое дыхание и тварь. О воистину Ты дивная еси в женах, чудная в девах, неподражаемая в матерех! К Тебе пред Твоими святыми стопами повергаем и слагаем все наши мысли, желания, намерения и чувства. Освяти их Твоим Богоматерним призрением и вознеси их, яко жертву нашего смиреннаго сердца, яко малоценную лепту нашей духовной нищеты, к Престолу Сына Твоего, Спасителя нашего, да имиже веси судьбами управит наш путь ко спасению и наследию Царствия Его, не имущего конца во веки веков. Аминь".