Молитва иконе Божией Матери "Неопалимая купина"

Содержание: [Показать]

Празднование иконы "Неопалимая купина" происходит 17 сентября (4 сентября по старому стилю).

О чем молятся иконе "Неопалимая купина": молятся об избавлении от пожара, поражения молнией; тяжких бед; об исцелении недугов.

Икона Божьей Матери "Неопалимая купина"

 514217322

Молитва иконе Богородицы "Неопалимая купина"

О Пресвятая и Преблагословенная Мати Сладчайшаго Господа нашего Иисуса Христа! Припадаем и покланяемся Тебе пред святою и пречестною иконою Твоею, еюже дивная и преславная чудеса содеваеши, от огненнаго запаления и молниесноснаго грома жилища наша спасавши, недужныя исцелявши, и всяко благое прошение наше во благо исполнявши. Смиренно молим Тя, всесильная рода нашего Заступнице: сподоби ны немощныя и грешныя Твоего Матерняго заступления и благопопечения. Спаси и сохрани, Владычице, под кровом милости Твоея Церковь святую, град сей, всю страну нашу православную, и вся ны припадающыя к Тебе с верою и любовию и со умиленными слезами Твоего заступления просяшыя. ей, Госпоже Всемилостивая! Умилосердися на нас обуреваемых грехи многими и не имущих дерзновения ко Христу Господу просити его о помиловании и прощении: Тебе убо предлагаем к Нему на умоление, Матерь его сущую. Простри к Нему, о Всеблагая, богоприймнеи руце Твои, и предстательствуй за нас пред его благостию, просящи нам прощения прегрешений наших, благочестнаго мирнаго жития, благия христианския кончйны и добраго ответа на Страшнем Суде его. В час же грознаго посещения Божия, аще огнем возгорятся домове наши, аще ли молниеносным громом устрашаеми будем, яви нам милостивное Твое заступление и державное вспоможение: да, спасаеми всесильными Твоими ко Господу молитвами, временнаго наказания Божия зде избегнем, вечное же блаженство райское тамо унаследуем, и со всеми святыми воспоем Пречестное и великолепое имя покланяемыя Троицы, Отца и Сына и Святаго Духа, и Твое велие к нам милосердие, во веки веков. Аминь.