Молитва Киево-Братской иконе Божией Матери

Содержание: [Показать]

Празднование Киево-Братской иконы происходит 23 мая, 15 июня, 19 сентября (10 мая, 2 июня, 6 сентября по старому стилю).

О чем молятся Киево-Братской иконе Божией Матери: молятся при нападении врагов, о защите Отечества; об обращении иноверцев в православие; о даровании добра и любви к людям.

Киево-Братская икона Божией Матери

 p188km1chj8tt1vcg1fm5qnm194f3

Молитва Киево-Братской иконе Богородицы

О Пресвятая Госпоже, Пречистая Владычице Богородице. Призри Всемилостивым Твоим оком на нас, предстоящих пред пречистым Твоим образом, Киево-Братским нарицающимся, и молящихся Ти пред ним. Да возсияет неизреченный свет Возлюбленнаго Сына Твоего, Господа нашего Иисуса Христа в сердцах наших. Да будет воля его чрез все житие наше. Да дарует нам прощение и очищение всех грехов и прегрешений наших. Не имамы иныя помощи, ни иныя надежды, токмо Тебе, Пречистая. Якоже в древния времена град Выш-город и землю Киевскую прославила еси знамениями и чудесы от иконы Твоея чудныя, егда иновернаго агарянина чудным образом от воднаго потопления в реце Днепре спасла еси, и до обители Киево-Братския неврежденна доставила еси, и тамо истинное покаяние его прияла еси, и светом святаго крещения просветив, во Ангельский чин в сей обители облекла еси, и тем ко спасению и истинныя веры православный утверждению путеводила еси. Сего ради и мы, грешнии и недостойнии, дерзающе просим и молим: не отрини нас, молящихся Ти, пред сею дивною и чудотворною иконою Твоею. Укрепи веру в нас правую, даруй любовь друг ко другу нелицемерную. Буди Взбранной Воеводой на вся видимая и невидимая враги наша: неверных к правоверию обрати, верных же на путь покаяния и спасения настави. Помози, Госпоже Владычице, воздвигнути храм и обитель дивному и славному, достопоклоняемому Ангелы и человеки, имене Твоему, в честь и память чудотворнаго образа Твоего Киево-Братскаго. Да и в храме сем и обители сей, паче же в душах и сердцах наших, прославим Тя, Ходатаицу и Молитвенницу за род наш, и Тобою славу возслем Отцу и Сыну и Святому Духу, ныне и присно и во веки веков. Аминь.