Празднование иконы Вертоград Заключенный происходит: 27 марта (14 марта по старому стилю).
О чем молятся иконе Вертоград Заключенный: молятся о душевном умиротворении после невзгод, за близких умерших.
Наш телеграмм канал в котором каждый вечер в 19:07 выходить крутой гороскоп на завтра
Икона Вертоград Заключенный
Молитва иконе Богородицы Вертоград Заключенный
Нескверная, Неблазная, Нетленная, Пречистая Богородице, Пренепорочная Владычице, Небесная Царице, Мати Царя вышних сил, Творца небесе и земли, едина радости Ходатаице всему миру, рождшая Господа нашего Иисуса Христа, земным всем Спасителя! Вопию Ти припадая: приими молебнов сие пение благодарственное от недостой-наго раба Твоего и от скверных устен моих, не презри мене, Всегосподованная Царице. Ибо никтоже претекаяй к Тебе посрамлен бысть, или кто призываяй Тя не услышан от Тебе изыде; яко вся стихии, небо и земля, воздух и море повинуются Тебе, и вси противни дуси страхом обдержйми трепещут, боящеся имене святаго Твоего, ведуще Тя Матерь Божию. Кто паки надежду возложивый на Тя погибе? Точию отметающийся покланятися образу Твоему написанному, егоже вся силы небесныя чтут, вся же колена земная, христианский род и всяк возраст верных, славословяще покланяется, Пречистая, благоговеино почитающе. Не имамы бо инаго Бога, разве Сына Твоего, со Отцем присно и Духом Святым, во Едином Божестве, от всея твари славимаго и покпаняемаго, и Тебе по Господе Бозе Госпожу Богородицу исповедуем, истиннаго Бога нашего Матерь, и любезно вси почитаем, Госпоже. Милостива убо нам Сына Твоего сотвори, паче же покажи на мне обычное Твое милосердие, можеши бо, елика хощеши: умолй о мне, яко удалихся от Него за безчисленная и скверная беззакония моя, и толико прогневах благосердие Его, и огорчих человеколюбную Его благость и многое милосердие и милость, яко несмь достоин от Него помилован быти, аще не Ты умилостивиши Его о мне, Госпоже Царице и Богомати, яко вся Тебе от Него возможна суть. Сего ради к Тебе прибегаю, теплей Помощнице и скорей Заступнице, не имам бо иныя разве Тебе к Нему Ходатаицы. Ей, Царице, моя Владычице, Пречистая Госпоже Богородице, несть ми инаго высочаишаго на земли и на небеси, якоже Ты по Господе Бозе моем Иисусе Христе, и на Тя всю мою надежду имам, Пречистая Дево. Темже на Твой пресвятый образ взирая, яко истинную Самую Тя зрю Богородицу, верою сердечною и любовию от души припадая, покланяюся Тебе с Превечным на руку Твоею держймым Младенцем, Господем нашим Иисусом Христом, боголепно почитая, и молебная пения и молитвы принося Ти, ужасаюся, и трепещу за недостоинство мое, и вопию Ти: помилуй мя, Мати Божия, и покажи на мне убозем древния милости Твоя. Якоже иногда древле всесильным Твоим воеводством спасла еси царствующий град Твой от скифскаго воеводы зверообразнаго, лука-ваго вепря, предстателя бесов, онаго прегордаго когана, и разсвирепёющем морем тьмочисленныя воинства потопила еси, вопиющия и нападающия на град Твой; и паки, с небесе одождёнием горящих камык, тьмы кораблей, в мори бреющих, воспламенила еси; и ныне, едина Богомати, едина Ты таяжде сущи, яви на мне человеколюбное Твое заступление. Победи невйдимыя полкй сатанины, душевный мой град пленившия, и царствующую душу мою в нем стрелою беззакония уязвйвшия, и всего мя мечми любодействия изсекшия, и греховным копием прободшия, еле жива суща оставивша; и в рове греховнем затвориша мя нечувствия, и окаменение сердечное наложиша ми, яко едва ощущаюся, не могий от порабощения тех свободйтися. Но к Тебе Матери Господа моего рыданием слез зову: предстали ми в помощь скоро, да не до конца погибну, исхити мя из руки тех, и извлецы мя из греховнаго рова, возстави паки душевный мой град, и ума владыку в нем воцари, и над всеми чувствы укрепи, неприступна и страшна врагом покажи; да вси увидят, яко Тобою содержимь есмь. Спасающи спаси, Владычице Дево, душу мою, якоже Твой град иногда, на Тя уповающий, спасла еси, на славу и заступление верным; на посрамление же нечестивым и во веки на безконечное их мучение; на величие же и похваление правоверному христианскому роду. Темже Твою помощь проповедую велегласно, и онаго Твоего великаго заступления страшное воеводство воспоминая, Тебе Взбранной Воеводе победительная восписую раб Твой, Богородице, и молебное сие приношу благодарение, приими е, и принеси Твоему Сыну и Богу, и о мне, Царице; и с небесными вой и с лики святых всех Ему предложи В день же судный не забуди мене, и недо-стойнаго моего моления, и веры моея, яже к Тебе, и все упование мое возложенное на Тя воспомяни. Утишй оскбрбленаго мене, и телесное облегчи озлобление, душевныя же болезни и страсти телесныя потреби Твоим невидимым предстательством и ходатайством. Да путь маловременнаго сего жития добре и непреткновённо возмогу прейтй, и вечная оная благая получу, и славословлю Твое твердое заступление, яко благословенна еси, с рождшимся от Тебе Сыном и Богом, ныне и в безконечныя веки. Аминь.