Молитва Албазинской иконе Слово Плоть Бысть (Знамение)



    Албазинской иконе Божьей Матери, которая носит название «Слово Плоть Бысть» молятся при желании иметь детей; о благополучном разрешении родов; об увеличении грудного молока.

    Празднование Албазинской иконы Богородицы совершается 22 марта (9 марта по старому стилю).

    Албазинская икона Слово Плоть Бысть

    Молитва Албазинской иконе Богородицы Слово Плоть Бысть

    "Богородице Дево, Пренепорочная Мати Христа Бога нашего, Заступнице рода христианскаго! Пред чудотворною иконою Твоею предстояще, отцы наши молиша Тя, да явиши покров Твой и заступление стране приамурстей. Темже и мы ныне молим Тя: град наш и страну сию от нахождения иноплеменных соблюди и от междоусобныя брани сохрани. Даруй мирови мир, земли плодов изобилие; христолюбивым и благоверным властем нашим здравие и на враги одоление: сохрани во святыни пастырей наших, во святых храмех труждающихся: осени вседержавным покровом Твоим строителей и благотворителей их. Утверди в правоверии и единомыслии братий наших: заблуждших же и отступльших от православный веры вразуми и соедини Святей Церкви Сына Твоего. Буди всем притекающым к чудотворней иконе Твоей покров, утешение и пристанище от всяких зол, бед и обстояний: Ты бо еси больных исцеление, скорбящих утешение, заблуждших исправление и вразумление. Приими моления наша и вознеси я ко Престолу Всевышняго, яко да Твоим предстательством соблюдаеми и покровом Твоим осеняеми, прославим Отца и Сына и Святаго Духа, ныне и присно и во веки веков. Аминь".