Барской Божьей Матери молятся о возвращении из плена; при гонениях на христианство; об укреплении веры; о возвращении из плена; о здравии и благополучии в семье; при слепоте; при бедах и невзгодах; при сильной боли.

Празднование Барской иконы происходит 14 октября (1 октября по старому стилю).

Молитва Барской Божьей Матери

«Приидите, людие Российстии, преславно и православно ублажим Преблагословенную и Пречистую Марию Деву, в Баре граде благодать Свою издревле  выну явившую, православныя люди Подольския земли от агарян и сарацын свободившую, православную веру в пленении латинстем сохранившую. К кому убо прибегнем, аще не к Тебе, Владычице! Кому принесем слезы и воздыхания, аще не к Тебе, Пресвятая Богородице! Не имамы бо иныя помощи, не имамы иныя надежды, разве Тебе, Небесная Царице, Дево Пречистая, Лествице к Небеси, святое Вместилище Слова Божия, прибежище верным и избавление, достоянию Твоему помощь и защищение, скорбящим Подательнице вечнаго радования, иноков богомудрых возведение к горнему Царствию. Ты бо, яко имущая державу непобедимую, злую дерзость латинскую отмстила еси, иезуитское и униатское неправоверие в веру православную обратила еси, верою имя Твое всехвальное призвавших отцев наших спасла еси и покрыла их святым омофором. Не отврати и ныне рабов Твоих тщи. Тя бо єдину надежду имамы; избави люди Твоя присно и град и обитель, юже избрала еси Себе местом проявления благодати Твоея, и Подольскую землю и вся православныя христианы от искушений, от пагубных, душевредных учений, от неверия, развращения и погибели вечныя, и от всякаго лютаго обстояния, и наветов врагов Церкви Твоея православныя, и до ныне тайно и неустанно сеющих скверныя плевелы на доброй, от века православной ниве Подольской; аще бо не Ты предстояла молящи, кто бы избавил веру отцев наших от толиких бед, кто бы и нас сохранил до ныне свободны? Мы же преблагому Твоему заступлению о нас радующеся, избавльшеся от злых, благодарственно да восписуем Ти и да зовем Ти: Радуйся, Невесто Неневестная».