Празднование Горбаневской иконы происходит 13 июля (30 июня по старому стилю).
О чем молятся иконе Божией Матери «Горбаневская»: молятся при душевных и телесных страданиях.
Наш телеграмм канал в котором каждый вечер в 19:07 выходить крутой гороскоп на завтра
Горбаневская икона Божией Матери
Молитва иконе Богородицы «Горбаневская»
О пресветлый Облаче, Мати Бога Вышняго, Небесе и земли Царице, от всех родов избранная, Херувимов светлейши и Серафимов честнейши сущая! Ты еси любовь неизреченная и всеми оставленных едина надежда. Сего ради молим Тя, известную о нас к Сыну Твоему молйтвенницу и Заступницу нашу: не отврати лица Твоего от нас, но приимй всеблагоговейное поклонение чудотворней иконе Твоей, яже, яко отрасль живоноснаго духовнаго сада и цвет благовонный на земли Полтавстей процвете. Не ймамы бо инего в бедах избавления разве Тебе, Дево Чистая! Отверзи нам двери милосердия Твоего, и огради от всякаго навета вражия и клеветы человеческия! Зриши бо, Милостивая Мати, бездну беззаконий наших, наги бо есмы всякаго деяния блага, и не токмо волею, но и неволею в многоразличныя прегрешения впадаем. Темже и взываем Ти: ради единыя милости Твоея не остави нас погибнути в сицевой глубине зол сущих, но спаси и на путь покаяния настави! Паче бо прокаженнаго имамы нужду во очищении; нечйсто бо суть одеяние душ наших, и не имамы избегнути осуждения. Но аще Ты еси надежда ненадеждных, простри руку помощи Твоея и из рева погибельнаго исхити. Ум наш познанием Божественныя истины просвети, и в сердце наша кротость Христову и любовь вкорени. Огради нас от всяких искушений, от мира греховнаго, плотскйх похотей и диавола сетей избави. О Всемйлостивая Госпоже, Мати человеколюбивая, Ты убо еси едина наша Споручница спасения и житию исправление. Ты дарована грешником яко надежда державная Сыном Твоим, Заступнице Теплая, в бедах и печалех утешение и с Богом примирение. Объемли нас долготерпеливою Твоею Матернею любовию, защити страну нашу от глада, труса, потопа, огня, меча и нашествия иноплеменников. Церковь нашу Православную от неверия, ересей и расколов сохрани. Отпадших от веры просветй и на путь правый настави. Житие наше в мире утверди. Прежде отшедшим отцем и братиям нашим прощение грехов и со святыми упокоения испроси ей, Владычице Всемилостивая! Услыши воздыхания душ наших, даруй нам кончину живота нашего христианскую, безболезненну, непостыдну, мирну, и сподоби нас добраго ответа на Страшнем Суде Сына Твоего, да Тобою прйсно хранйми, Богу во Святей Троице славимому благодарение приносяще, восхвалим Тя, Упование наше, во веки веков. Аминь.