Молитва иконе Божией Матери "Недремлющее Око"



    Празднование иконы "Недремлющее Око" происходит 11 июня (29 мая по старому стилю).

    О чем молятся иконе "Недремлющее Око": молятся при бессоннице детей; об освобождении от тяжкаго сна греховнаго.

    Икона Божьей Матери "Недремлющее Око"

     1318435011 www.nevsepic.com.ua 44

    Молитва иконе Богородицы "Недремлющее Око"

    О Пресвятая и Преблагая Владычице Богородице, чистейшая Святаго Духа Приемнице и непорочное Слова Божия Святилище! Радуйся, яко Ты еси Радость ангелом и человеком, Сладчайшаго бо Иисуса Христа нашествием Святаго Духа родила еси плотию, и яко младенца Того пеленами повила еси, яко возлюбленнаго Сына млеком питала еси и объимающи лобзала еси. Молим Тя, Великая Владычице: не отрини раб Твоих, сему чудотворному Твоему образу предстоящих и всю надежду свою по Бозе на Тя возложивших: Ты бо еси Надежда и Прибежище наше, Жизнь и Заступление наше, Крепость наша и Отрада. Умоли возлюбленнаго Сына Твоего, еже сохранитися и утвердитися Отечеству нашему и всякой стране христианстей в мире и безмятежии, соблюдатися же непоколебимей святей православней Церкви нашей, неверию искоренитися, ересем и расколом упразднитися, пастырем нашым в ревности укрепитися, еже право правити слово истины. Паки умолй, Госпоже, возлюбленнаго Сына Твоего, да избавит всех нас от всякия нужды, скорби и болезни, да низпослет нам тихое и мирное житие, здравие телесное и душевное спасение, да умирит страждущыя наша и да исцелит сердечныя скорби, да вразумит нас на добрая дела, да очистит умы от помыслов суетных и наставит ко исполнению заповедей Своих, и от вечныя муки даизбавит, и да дарует нам Небесное Царствие, в немже возвеличим Тя, Преславную Владычицу нашу, и прославим Пречестное имя Великаго Бога, Отца и Сына и Святаго Духа, ныне и присно и в бесконечный веки веков. Аминь.