Молитва иконе Божией Матери «Седмиезерная»



    Празднование иконы «Седмиезерная» происходит 9 июля, 10 августа, 26 октября (26 июня, 28 июля, 13 октября по старому стилю).

    О чем молятся иконе «Седмиезерная»: молятся об исцелении язв духовных и телесных; при болезнях ног; слепоте.

    Икона Божьей Матери «Седмиезерная»

     5b94f0a8a8fb

    Молитва иконе Богородицы «Седмиезерная»

    Пресвятая Владычице наша Богородице, Небесная Царице, наша преблагая Надеждо, преизящная Отроковице, ненадеющымся надеяние, грешным спасение, сирым прибежище, странным предстательнице, нагим одеяние, скорбящым утешение и радосте, обидимым покровительнице и всем сущым в бедах и напастех вспоможение и заступление! О Всемилостивая Госпоже Дево Богородице! Зриши наша беды, скорби и напасти: помози нам немощным, печальным и унылым, скорбным же и отчаянным, и всяку печаль отыми от нас. Обиду нашу Ты веси: разреши ту, Всенепорочная, якоже волиши и можеши: не даждь нам во отчаяние власти. Не имамы бо иныя помощи, разве Сына Твоего, Христа Бога нашего, и Тебе, о Мати Божия, о Владычице наша! Темже на Твой пречистый образ со воздыханием и с сокрушением сердца взираем, и колена до земли преклоняем, взывающе: Призри благосердым оком, Всепетая Богородице, и услыши нас, Преблагая: не отрини, но благоволи помиловати: не омерзй нашего воздыхания. Никтоже бо притекаяй к Тебе посрамлен от Тебе исходит, но просит благодати и приемлет дар на пользу прошения во веки веков. Аминь.