Молитва иконе Божией Матери «Сурдегская»



    Празднование иконы «Сурдегская» происходит 28 августа (15 августа по старому стилю).

    О чем молятся иконе «Сурдегская»: молятся при боловной боли; эпилепсии; сахарном диабете; потере аппетита.

    Икона Божьей Матери «Сурдегская»

     p188nmavnpm6u1vqrlq5bte1n413

    Молитва иконе Богородицы «Сурдегская»

    Дево Владычице Богородице, паче естества и слова рождшая единородное Божие Слово, Творца и Владыку всей видимой и невидимой твари, единаго из Троицы Бога, и Бога и Человека, соделавшаяся обителию Божества, вместилище всякия святыни и благодати, в Немже, по благоволению Бога и Отца, при содействии Святаго Духа, телесно обитала есть полнота Божества: несравненно превознесенная царским боголепным достоинством, и преимуществующая пред всякою тварию, слава и утешение, и неизреченное веселие Ангелов, царственный венец Апостолов и Пророков, преестественное и чудное мужество мучеников, поборница в подвизех и подательница победы, уготовляющая подвижником венцы и воздаяния вечная и боголепная: превышшая всякия чести, честь и слава преподобных, непогрешительная путеуказательница и наставница безмолвия, дверь откровения и духовных тайн, источник света, врата вечныя жизни, неистощимая река милосердия, неисчерпаемое море всех боголепных дарований и чудес: Тебе просим и Тебе умоляем, сострадательнейшую Матерь человеколюбиваго Владыки, буди милостива к нам смиренным и недостойным рабом Твоим, воззри благосердно на пленение и смирение наше, уврачуй сокрушения душ и телес наших, разсей видимыя и невидимыя враги, буди нам недостойным пред лицем врагов наших крепкий столп, бранное оружие, сильное ополчение, воевода и непреоборимая поборница: покажи ныне на нас древняя и чудныя милости Твоя, да познают беззаконнии врази наши, яко Сын Твой и Бог един есть Царь и Владыка: яко Ты воистину еси Богородица, родившая по плоти истиннаго Бога, яко вся Тебе возможна, и вся, аще восхощеши, Владычице, имевши силу вся сия совершити на Небеси и на земли, и на всякое прошение даровати коемуждо полезное: больным здравие, сущым на мори тишину и доброе кораблеплавание: путешествующым спутешествуй и охраняй их, плененных спасай от горькаго рабства, утешай печальных, облегчай нищету и всякое другое телесное злострадание: всех свобождай от душевных недугов и страстей, невидимыми Твоими предстательствами и внушениями, дабы добре и непреткновенно совершивше путь сея временныя жизни, улучили мы чрез Тебе и оная вечная блага в Царстве Небесном. Спаси молитвами Твоими, Владычице, храм сей и прихожан его, весь град и страну нашу: от глада, землитрясения, потопления, огня, меча, нашествия иноплеменников, междоусобный брани, и всякий неправедно подвйгшийся на ны гнев отврати, по благоволению и благодати единороднаго Сына и Бога Твоего, емуже подобает всякая слава, честь и поклонение со Безначальным его Отцем, с Совечным и Животворящим его Духом, ныне и присно и во веки веков. Аминь.