Молитва иконе Божией Матери «Шестоковская»(Шелтомежская)



    Празднование  иконы «Шестоковская»(Шелтомежская) происходит 19 марта (6 марта по старому стилю).

    О чем молятся иконе «Шестоковская»(Шелтомежская): молятся о помощи в различных семейных и житейских нуждах.

    Икона Божией Матери «Шестоковская»(Шелтомежская)

     file 539

    Молитва иконе Богородицы «Шестоковская»(Шелтомежская)

    К кому возопию Владычице; К кому прибегну в горести моей, аще не к Тебе, Царице Небесная; Кто плачь мой и воздыхание мое приймет, аще не Ты, Пренепорочная, Надеждо христиан и прибежище нам грешным; Кто паче Тебе в напастех защитит; Услыши убо стенание мое, и приклони ухо Твое ко мне, Владычице Мати Бога моего, и не презри мене требующаго Твоей помощи, и не отрини мене грешнаго. Вразуми и научи мя, Царице Небесная: не отступи от мене раба Твоего, Владычице, за роптание мое, но буди мне Мати и Заступница. Вручаю себе милостивому покрову Твоему: приведи мя грешнаго к тихой и безмятежней жизни, да плачуся о гресех моих. К кому бо прибегну повинный аз, аще не к Тебе, упованию и прибежищу грешных, надеждою на неизременную милость Твою и щедроты Твоя окриляемь; О Владычице Царице Небесная! Ты мне упование и прибежище, покров и заступление и помощь. Царице моя преблагая и скорая заступнице! Покрый Твоим ходатайством моя прегрешения, защити мене от враг видимых и невидимых: умягчи сердца злых человек, возстающих на мя. О Мати Господа моего Творца! Ты еси корень девства и неувядаемый цвет чистоты. О Богородительнице! Ты подаждь ми помощь немощствующему плотскими страстьми и болезнующему сердцем, едино бо Твое и с Тобою Твоего Сына и Бога нашего ймам заступление: и Твоим пречудным заступлением да избавлюся от всякия беды и напасти, о Пренепорочная и Преславная Божия Мати Марие. Темже со упованием глаголю и вопию: радуйся, Благодатная; радуйся, Обрадованная; радуйся, Преблагословенная: Господь с Тобою. Аминь.