Молитва иконе Введение во Храм Пресвятой Богородицы



    Празднование иконы Введение во Храм Пресвятой Богородицы происходит 4 декабря (21 ноября по старому стилю).

    О чем молятся иконе Введение во Храм Пресвятой Богородицы: молятся во искушениях; об исцелении различных недугов.

    Икона Введение во Храм Пресвятой Богородицы

     ikona vvedenie vo hram presvyatoy bogorodicy

    Молитва иконе Введение во Храм Пресвятой Богородицы

    О Пресвятая Дево, Царица небеси и земли, прежде век избранная Невесто Божия, в последняя же времена пришедшая в храм законный на обручение Жениху Небесному! Ты оставила еси люди Твоя и дом отца Твоего, во еже принести Себе в жертву чистую и непорочную Богови, и дала еси обет всегдашняго девства. Даруй же и нам соблюдати себе в целомудрии и чистоте и в страхе Божии во вся дни живота нашего, да будем храмы Духа Святаго, наипаче помози всем в подражание Твое, во обителех живущим и обручившим себе на служение Богови, в чистоте девства провождати житие свое и от юности нести иго Христово благое и легкое, свято храняще обеты своя. Ты провела еси, Всечистая, вся дни юности Твоея во храме Господнем вдали от соблазнов мира сего, в присном бодрствовании молитвенном и всяком воздержании душевном же и телесном, помози и нам отражати вся искушения вражеския от плоти, мира и диавола находящия на ны от юности нашея, и побеждати оныя молитвою и постом. Ты во храме Господнем со Ангелы пребывающи, украсилася еси всеми добродетельми, наипаче же смирением, чистотою и любовию и достойно воспиталася еси, да готова будеши вместити плотию невместимое Слово Божие. Сподоби же и нам, одержимым гордостию, невоздержанием и леностию, облещися во всякое совершенство духовное, да уготовает кийждо от нас с помощию Твоею одеяние, брачное души своей и елей доброделания, да не нази и неготови явимся во сретение Бессмертному Жениху нашему и Сыну воему, Христу Спасителю и Богу нашему, но да приимет ны с мудрыми девами во обители райския, идеже со всеми святыми сподоби нас выну славити и прославляти всесвятое имя Отца и Сына и Святаго Духа и Твое милостивное заступление всегда, ныне и присно и во веки веков. Аминь.