Молитва Оковецкой иконе Божией Матери



    Празднование Оковецкой иконы  происходит 24 июля (11 июля по старому стилю).

    О чем молятся Оковецкой иконе: молятся о прозрении очей, при болезнях глаз; при глухоте; о защите от воров; о помощи в пути.

    Оковецкая Икона Божьей Матери

     34 17

    Молитва Оковецкой иконе Богородицы

    О Пречистая наша Всеблагословенная и Всемощная Госпоже Владычице и Всеблагая Богородице Одигитрие, благодарим Тя, яко сподобила еси нас великой Своей милости, творити пресветлое торжество честнаго Твоего Образа с предстоящим Ти святителем и чудотворцем Николаем, явленного благоволением Твоим в светозарном сиянии и приосененною многими чудесы на брегу реки Пыршни черноризцу Стефану и иже пришедшим с ним народом в пределах Оковецких, и приносити прилежное нашими недостойными устнами моление Честному Животворящему Кресту, всех святых Святейшему Слову и Тебе Матери Всемилостиваго и Великодаровитаго Бога нашего. Днесь от усердия нашего раболепно с трепетом, якоже рече псалмопевец Давид: «Работайте Господеви со страхом и радуйтесь ему с трепетом», пред святою иконою Твоею припадая прося напоить наше немощное человеческое естество живительными и цельбоносными струями непристанных молитв Твоих и очиститися от всякия скверны плоти и духа, совершая святыню в страсе Божием, ибо вемы, яко много может молитва Твоя пред престолом Триединаго Бога. Се мы смиренныя и грешныя, обремененнии игом тяжких многих беззаконий наших, во умилении глубоцем просим подать исцеление слепым, хромым, глухим и другим страждущим, одержимым многими и различными скорбями и недугами, и избавити от праведнаго наказания прежде времене общаго воздаяния в день Страшнаго Суда единородного Сына Божия, ибо мы вемы, яко ничтоже возможно ходатайству Твоему, аще токмо восхощеши. Также просим утвердить нашу веру праву, Церкви Русстей мир, тишину и благостроение, укрепить православные люди в настоящую годину испытания и избавить от душепагубных ересей, расколов и разделений, сподобить соблюсти всех в единомыслии и да познают неверующие и непокланяющиеся Честному Образу Твоему, яко Ты еси несравненное наше Украшение, Слава, Небесный и Державный Покров, скорая Помощница, непостыдная Заступница и постоянная Ходатаица у единаго Ходатая Бога и человеков Иисуса Христа. Яко Тя ради подобает всякое благодарение Всесильному и Всеблагому Содетелю, Господу нашему Иисусу Христу купно со Безначальным его Отцем, и Пресвятым и Благим и Животворящим его Духом, ныне и присно и во веки веков. Аминь.