Молитва Теребовлянской иконе Божией Матери



    Празднование Теребовлянской иконы происходит 19 апреля (6 апреля по старому стилю).

    О чем молятся Теребовлянской иконе: молятся о мире и благоденствии на земле; о защите государства от ереси и нападений врагов.

    Теребовлянская икона Божьей Матери 

     000993

    Молитва Теребовлянской иконе Богородицы 

    О Всемирная Похвало, спасительная радосте и прибежище нам грешным, Преблагословенная Дево Марие! Именем Твоим, Пречистая, Силы Небесныя у Престола Царя Славы славословя, хвалятся, мы же, в юдоли греха и смерти живущии, и лукавством духа злобы поднебесныя в сети греховныя уловляеми суще, милосердием Твоим утешаемся, к Лику Твоему, благодатными дарами Святаго Духа преисполненному, и землю Галицкую облагодатствовавшему, припадающе, молимся. Призри, о Всеблагая, на нас, в скорбех и напастех многих обуреваемых, и не отрини убогих молитв и слезных воздыханий наших, но, яко усердная Заступница рода христианскаго, не престай молити Сына Твоего и Бога нашего, да незыблемо утвердит и укрепит Церковь Свою Святую во спасение всех людей, и не престает изливати Духом Святым милость Свою на вся Православныя христианы, с верою и любовию к Лику Твоему святому припадающия, и Твоего Матерняго предстательства ищущия, да не постыдимся, ниже умалени будем, на Тя упование возлагающе. О, Мати Божая, и Надеждо наша непостыдная, якоже во дни отец наших знемением Лика Твоего сего землю Галицкую от враг нечестивых сохраняла еси, тако и ныне в евангельстей Истине нас просвети и утверди, и от всех, мыслящих нам злая, нас избави, да достойни будем пира веры Православный, союзом любви Христовой, народы наши благодатно связующим, к наследию вечных благ приуготовляеми. еще молим Тя, Премилосердая, посети и утеши щедротами Твоими всех к образу Твоему припадающих и молящихся: иерархов и пастырей Церкве Христовы благодатными дарами Святаго Духа снабди, и в окормлении словеснаго стада Христова богомудренно утверди, иноки и вся нищия духом в терпении утеши и ободри, в болезнех и злых обстояниих сущих посети, юныя уцеломудри, младенцы воспитай, воины оружием мира утверди, и всех труждающихся и обремененных земных и небесных благ исполни, град наш и люди миром огради и в благочестии веры Православный облагодати; страну же нашу и народы мира от междоусобий и всемирнаго истребления сохрани, наипаче же в братолюбииутверди и всем вся ко спасению даруй. Помози нам, Всеблагая, волю Божию исполняти и дыханием любви его присно воспламенятися, да молитвами и щедротами милосердия Твоего от всех зол избавляема во всяком благочестии и чистоте, возвеличим Трисвятое Имя Бога нашего: Отца и Сына и Святаго Духа во веки веков. Аминь.