Молитва Калужской иконе Божией Матери

Празднование иконы «Калужская» происходит 31 июля, 15 сентября, 25 октября (18 июля, 2 сентября, 12 октября по старому стилю).

О чем молятся Калужской иконе Божией Матери: молятся от нашествия иноплеменников; при расслаблении; при болезни ушей, глухоте; при бесновании; об избавлении от холеры и чумы.

Для вашего удобства мы создали телеграмм канал в котором каждое утро в 7:07 выходить крутой гороскоп на сегодня

подписаться

Икона Божией Матери «Калужская»

 250px Kaluzhskaya ikona 3

Молитва Калужской иконе Богородицы

О Пресвятая Дево, Мати Христа Бога нашего, Дивная Царице Небесе и земли! Вонми многоболезненному воздыханию сердец наших; призри с высоты святыя Твоея на нас, с верою и любовию предстоящих пред чудотворною Твоею иконою и со умилением молящихся Тебе, Владычице! Не предаждь умалению Церковь Православную, помози нам, Пресвятая Богородице, святоотеческую Православную веру до конца дней наших непорочно сохрани, во всех заповедех Господних неуклонно ходити и избави ны от пагубных душевредных учений. На Твою, Дивная Царице Небесе и земли, милость уповаем, рабй Твои: очисти умы наша от греховных помыслов, душевнаго разслабления, обуревания страстей, от искушений, соблазнов и грехопадений; Ты бо еси, Владычице, крепкое прибежище грешников кающихся. Воздвигни нас из глубины греховныя и истинным покаянием оросй изсохшая сердца наша, просвети сердечная очеса наша ко зрению спасения, и прельщенных бесовскою прелестию на путь правый настави; всякое дело злое и богопротивное разруши; всякому же благому и богоугодному делу научй и споспешествуй; вложи, Владычице, в сердца наша дух страха Божия, дух благочестия, дух кротости, смирения, терпения, незлобия; умягчи злая сердца наша и низпосли нам ревность о спасении ближних наших. Вразуми и научи ны, о Всемилостивая Заступнице наша, како безгрешно ходити по пути земнаго сего жития: яко Ты, Пресвятая, веси веру нашу, и упование наше видиши. О Владычице мира! Скорбящих утеши, бедствующим помози; сохрани от молниеноснаго грома, тлетворных ветр, лютых болезней, смертоносный язвы, междоусобныя брани, нашествия врагов иноплеменных. О Пресвятая Богородице! Избави ны от внезапныя и насйльственныя смерти; всем нам даруй обращение на путь истинный и христианскую кончину живота нашего безболезненну, непостыдну, мирну, Святых Тайн причастну. Во время исхода нашего предстани нам, Дево Богородице, и избави ны от власти бесовския, воздушных горьких мытарств и огня вечнаго. Скончавшимся внезапною смертию милостива быти Сына Твоего умолй, и о всех усопших, иже не имут сродников, о упокоении их Сына Твоего умоляющих, Сама буди непрестанная и теплая Молйтвенница и Ходатаица. Преставльшихся же в вере и покаянии от временнаго жития сего отцы, братию, матери и сестры наша сподоби Твоим ходатайством вселйтися во обителех Небесных со ангелы и со всеми святыми, идеже непрестанно гласы празднующих и радостно славящих Пресвятую Троицу, Отца и Сына и Святаго Духа, ныне и присно и во веки веков. Аминь.