Молитва Корсунской икона Божией Матери

Празднование Корсунской иконы происходит 22 октября (9 октября по старому стилю).

О чем молятся Корсунской иконе: молятся об исцелении душевных и телесных страданий.

Для вашего удобства мы создали телеграмм канал в котором каждое утро в 7:07 выходить крутой гороскоп на сегодня

подписаться

Корсунская икона Божией Матери

65645645645

Молитва Корсунской иконе Богородицы

О Пресвятая Дево, Владычице Богородице, единороднаго Бога Слова, всякия вйдимыя и невидимыя твари Творца и Владыку, единаго от Троицы Господа, Бога же и Человека паче естества и слова, рождшая; Вместилище Божественное, всякия святыни и благодати Приемнице, в Нейже исполнение Божества пребывает, благословением Бога и Отца и действом Святаго Духа избранная от всея твари; Славо и неизглаголанное веселие Ангелов, царский апостолов и пророков Венче, чудное и всехвальное мучеников Мужество и страдальцев Венчание, присносущных и нетленных воздаяний Ходатаице непреложная, преподобных Честь и Славо, незаблуднаго пути Учительнице, Источниче света, милости неистощимая Реко, всяких чудес и дарований духовных Море неисчерпаемое! Тебе молимся и Тебе просим, милостивную Матерь Человеколюбца Владыки, помиловатися нам смиренным и недостойным рабом Твоим. Призри милостивно на пленение наше и исцели сокрушение душ и телес наших, видимыя и невидимыя рати разорй, и всяко Столп крепости, Оружие во бранех, Воевода и Поборница непобедимая буди нам недостойным от лица враг наших, покажи на нас древния милости и чудеса Твоя. Яко един есть Царь и Владыка Сын Твой и Бог, Ты же воистину еси Богородица, от всех родов блажимая, истиннаго Бога по плоти рождшая, и Того ради вся можеши и сильна еси действовати, елика аще волиши на небеси и на земли. Исполни убо всякое прошение на пользу коемуждо, Владычице: подаждь недугующым цельбу, в мори плавающым тишину и управление, с путешествующими спутешествуй и соблюдай я, скорбящыя утешай, нищету и всякое телесное озлобление облегчи, душевныя же болезни и страсти телесныя прежде всех потреби Твоим невидимым предстательством и ходатайством, яко да путь временный сея жизни добре и непреткновенно скончаем, и вечная оная блага Тебе ради во Царствии Небеснем получим. Православный же народ, на Твое предстательство уповающый и Тебе яко Ходатаицу и Помощницу на обстоящыя враги призывающый, невидимо укрепи: отимй болезни душ и сердец наших, Державу нашу мирну и непоколебиму сохрани, и от бед избави, Владычице, молитвами Твоими. Изряднее же Тебе вручаемый град сей и всяк град и страну от глада, губительства, труса, потопа, огня и меча, от нахождения иноплеменных и междоусобныя брани и от напрасный смерти избави, и всяк гнев праведно на ны движимый отврати, благоволением и благодатию единороднаго Сына Твоего, емуже подобает всякая слава, честь и поклонение, со Безначальным его Отцем и Присносущным и Животворящим Духом, ныне и присно и во веки веков. Аминь.