Молитва иконе Божией Матери "Державная"

Содержание: [Показать]

Празднование иконы "Державная" происходит 15 марта (2 марта по старому стилю).

О чем молятся иконе "Державная": молятся о сохранении Отечества и избавлении от иноплеменных. 

Икона Божией Матери "Державная"

 1 150

Молитва иконе Божией Матери "Державная"

О Державная Владычице Пресвятая Богородице, на объятиях Своих держащая Содержащаго всю вселенную Царя Небеснаго! Благодарим Тя за неизреченное милосердие Твое, яко благоволила еси явити нам,  грешным и недостойным, сию святую и чудотворную икону Твою во дни сия лукавыя и лютыя, яко вихрь, яко буря внутренняя, нашедшая на страну нашу во дни уничижения нашего и укорения, во дни разорения и поругания святынь наших от людей безумных, йже не точию в сердце, но и устнами дерзостно глаголют: несть Бог; и в делех сие безбожие показуют. Благодарим Тя, Заступнице, яко призрела еси с высоты святыя Своея на скорби наша; и горе нас православных, яко солнце светлое, увеселявши изнемогшия от печали очеса наша, пресладостным зрением Державного образа Твоего. О Преблагословенная Мати Божия, Державная Помощнице, крепкая Заступнице! Благодаряще Тя со страхом и трепетом, яко раби непотребнии, припедаем Ти со умилением, с сокрушением сердечным и со слезами, и молим Тя и стеняще вопием Ти: спаси нас, спаси! Помози нам, помози! Потщися: погибаем! Се живот наш аду приближися: се обышедше обыдоша нас греси мнози, беды мнози, врази мнози. О Небесная Царице! Скипетром власти Твоей Божественныя разсеи, яко прах, яко дым, нечистивыя козни врагов наших видимых и невидимых: сокруши велеречивыя помышления их и запрети им: и яко Мати всех, на путь правый и богоугодный настави их. Вкорени в сердца всех нас правду, мир и радость о Дусе Святе: водворй в стране нашей тишину, благоденствие, безмятежие, любовь друг ко другу нелицемерную. Державою Твоею всесильною удержи, Пречистая, потоки беззакония, хотящия потопити Землю Русскую в страшней пучине своей. Поддержи нас слабых, малодушных, немощных и унылых, укрепи, возстави и спаси: яко да под Державою Твоею всегда храними, поем и величаем Пречестное и Великолепое имя Твое, ныне и присно и во веки веков. Аминь.