Молитва иконе Божией Матери зачатия св. Анною Пресвятой Богородицы



    Празднование иконы происходит 22 декабря (9 декабря по старому стилю).

    О чем молятся иконе зачатия св. Анною Пресвятой Богородицы: молятся при бесплодии.

    Икона Божией Матери зачатия св. Анною Пресвятой Богородицы

     20101221 1914391967

    Молитва иконе Богородицы зачатия св. Анною Пресвятой Богородицы

    Госпоже моя Преблагословенная, Мати Бога и Дево нетленная, примирительнице рода нашего и всея твари Царице, Херувимов чеснейшая и Серафимов славнейшая. Тебе Бог, в зачатии и во утробе Анны, благодатию освяти. В младенчестве в службу избра, в совершении возраста Девою соблюде, Материнством Своим возвеличи. И тако всем видом естественных и вышше естественных даров исполни; яко быти Тебе по Христе от множества Ангел и человек единей, на Нюже вся сокровища Своя, богатый в милости источи, и Всемогущий могутство Свое определи, еже бы в сотворенных вещех ни умом постйгнути честнейшаго дела рук его паче Тебе. Не токмо же за живота, но и по успении Твоем почте Тя паче всех, егда с душею и телом на нетленную жизнь пресели, и посади Тя на престоле Славы Своей, вручив вся земных, Твоему промышлению, нужды. К Тебе с верою припадаю, в Тебе надежду ймам и от всего сердца люблю тя, и радуйся о всех благодеяниих Божиих на Тебе излиянных, такожде веселюся о Твоем прежде век, и от всего рода избрании в Матерь Богу: яко аще бы судьбами Божиими честь сия мне уготована была, не возжадал бых ея себе, но Твоей святыне дати усердствовал бых, дабы Ты получила ю. Вем бо Госпоже, никомуже приличнейшее быти сие достоинство паче Тебе, яже вся сили обратила еси в потребление Богоприятное даров Тебе даных. К сему же должен есмь Тебе любовь сию и усердие за великия Твоя мне сотворенная благодеяния, Тобою бо милость Божию получих. Тобою от падежа греховного возстах. Ты мне исходатайствовала еси естественныя и паче естественныя дары. Ты мя от врат смертных и болезней к животу привела еси. Твоею помощию избегах различных сетей: Твоим промышлением, яже имам, благая получйх, за вся же сия приношу Тебе малое сие благодарение. Надеюся бо на Твою милость яко не презриши малейшаго дарования. Ибо благих моих не требуеши богата сущи, и яко вся моя, Твоя суть. Приимй убо Госпоже, дань и любовь мою и не даждь мне погибнути в веки. Несть бо от века слышано, да бы кто Твоей вручен помощи, лишился надежды своея. Ей Испоручнице моя! Мати любезнейшая, прибежище мое, сотвори со мною милость иже от усердия святое зачатие Твое воспеваю, и призываю сладчайшее имя: Мария. Аминь.