Молитва иконе Божией Матери Заступница и Преблагая Попечительница о Церкви Христовой



    О чем молятся иконе Божией Матери "елецкая": молятся об укреплении в вере; о помощи и заступлении от ереси и расколов.

    Икона Заступница и Преблагая Попечительница о Церкви Христовой Божией Матери 

     2016 01 11 164746

    Молитва иконе Богородицы  Заступница и Преблагая Попечительница о Церкви Христовой

    О Пресвятая Дево, Светоносная Марие, Мати Христа Бога нашего и Церкве Зиждителя! Сын Твой и Спаситель мира, воздвигший Святую Церковь Пречистою Своею Кровию, юже приял от светозарнеишей чистоты Девства Твоего, яко воистину Благосердую Матерь, покров и непреодоленное ограждение Церкви Своей Тя дарова, да сия Тобою от зол всяческих ограждаема яко невеста преизрядная, созвездием душ святых, к бранней вечери Агнца Божия преукрасится. Владычице и Надеждо наша непостыдная, аще бо Ты не бы предстояла молящи, кто бы Церковь Святую и верных чад ея избавил от толйких бед, кто же бы сохранил нас до ныне свободны и ограждал нас от соблазнов лукавых и смерти греховныя? Не умолчим, Премилосердая, исповедати Тя, святый Покрове и неложное утешение, в грехопадениих же наших пред Богом спасительное прибежище, присно избавляющая мир от гнева Божия и вечнаго осуждения. Не презри, Владычице, нас земнородных, аки трость ветром, бурею житейских испытаний колеблемых: друг друга раздражающих, друг другу завидящих, друг друга злобою угрызающих, завет любве Божией ни во чтоже вменяюще. Ты же, Голубице нескверная, моли Всещедраго Бога, да пробавит милость Свою над миром, соблазны греховными обуреваемым, и оградит Духом Святым Церковь Свою Святую от наветов вражиих невредйму и непо-колебиму, во еже в мире, братолюбии и страсе Божием поживут вси народи, и всяка вражда и нестроение в сердцах людей да истребятся, согласие же и любовь да увенчают дни жизни нашея миром. Мати Божия! Не отрини убогия молитвы нашея, ниже отвратися от нас милосердием Твоим. Укрепи колеблющуюся нашу веру и огради Святую Церковь всечестным Покровом Твоим, да не оскудеет на жертвенницех ея Безкровная Жертва залог Тела и Крови Христовой, за спасение мира приносимая, во еже ходатайством Твоим, до скончания века, чадам Божиим неосужденно причащатися Божеству Неизреченному, освящающему верных к наследию вечных благ. Да тако Твоим Матерним заступлением юдоль греховную прейдем и пристанища Церкве Небесныя достигнем, идеже радость и мир, и правда Божия царствует во веки веков. Аминь.