Молитва иконе Божией Матери «Жировицкая»



    Празднование Жировицкой иконы происходит 20 мая (7 мая по старому стилю).

    О чем молятся иконе Божией Матери «Жировицкая»: молятся во время гонения на православие; при сомнении в вере; об избавлении от пожаров; при всякой телесной немощи.

    Икона Божией Матери «Жировицкая»

     icon shigri zirovickaya2

    Молитва иконе Богородицы «Жировицкая»

    О Премилосердая Госпоже, Дево Богородице! Киима устнама прикоснуся ко святыни Твоей, или киими словесы исповем щедроты Твоя, людем являемыя: никтоже бо, притекаяй к Тебе, отходит тощь и не услышан. От юности моея взысках помощи и заступления Твоего, и николиже лишен бых милосердия Твоего. Зриши, Госпоже, скорби сердца моего и язвы души моея веси. И ныне, коленопреклоненно предстоя пред пречистым Твоим образом, моления моя приношу Ти. Не лиши мя всесильнаго ходатайства Твоего в день скорби моея, и в день печали моея заступи мя. Тока слез моих не отвратися, Владычице, и радости мое сердце исполни. Прибежище и предстательство буди мне, Милостивая, и света Твоего зарями ум мой просвети. И не токмо о себе молю Тя, но и о людех, притекающих к заступлению Твоему. Церковь Сына Твоего во благости соблюди, и огради ю от злокозненных наветов враг, возстающих на ню. Архипастырем нашим посли помощь Твою во апостольстве, и сохрани их здравы, долгоденствующи, право правящих слово истины Господни. Пастырем испроси у Бога Сына Твоего ревность и бдение о душах врученнаго им стеда словеснаго, и дух разума и благочестия, чистоты и правды божественныя им низпосли. Испроси такожде, Владычице, у Господа властем предержащим и градоправителем мудрость и силу, судиям правду и нелицеприятие, всем же притекающим к Тебе дух целомудрия, смиренномудрия, терпения и любве. еще же молю Тя, Премилосердая, осени страну нашу кровом Твоей благостыни, и избави ю от бедствий стихийных, нашествия иноплеменников и междоусобных нестроений, да вси, живущии в ней, в любве и мире пребывающе, тихое и безмятежное житие поживут, и благ вечных молитвами Твоими унаследивше, возмогут купно с Тобою восхваляти Бога на Небеси во веки. Аминь.