Молитва иконе Божией Матери «Избавительница от бед страждущих»



    Празднование иконы «Избавление от бед страждущих» происходит в неделю все Святых.

    О чем молятся иконе Божией Матери «Избавление от бед страждущих»молятся в душевных и телесных немощах; в трудных обстоятельствах.

    Икона Божией Матери «Избавление от бед страждущих»

     dsc 6698

    Молитва иконе Богородицы «Избавление от бед страждущих»

    О Владычице Преблагословенная, Защитнице рода христианскаго, прибежище и спасение прибегающих к Тебе! Вем, воистину вем, яко зело согреших, и прогневах, Премилостивая Госпоже, рожденнаго плотию от Тебе Сына Божия. Но имам многия  образы прежде мене прогневавших его милосердие: мытари, блудницы и прочыя грешники, имже дадеся прощение грехов их, покаяния ради и исповедания. Тыя убо образы помилованных очесем грешный души моея представляя, и на толикое Божие милосердие, оныя приймшее, взирая, дерзнух и аз грешный прибегнути с покаянием ко Твоему благосердию. О Всемилостивая Владычице! Подаждь ми руку помощи, и испроси у Сына Твоего и Бога, Матерними и святейшими Твоими молитвами, тяжким моим грехом прощение. Верую и исповедую, яко Той, егоже родила еси, Сын Твой есть воистину Христос, Сын Бога Живаго, Судия живых и мертвых, воздаяй коемуждо по делом его: верую же паки и исповедую Тебе быти истинную Богородицу, милосердия источник, утешение плачущих, взыскание погибших, сильную и непрестающую к Богу Ходатаицу, зело любящую род христианский и споручницу покаяния: воистину бо несть нам иныя помощи и покрова, разве Тебе, Госпоже Премилостивая, и никтоже, уповая на Тя, постыдеся когда, и Тобою умоляя Бога, никтоже оставлен бысть. Того ради и аз Твою неисчетную благость молю: отверзи двери милосердия Твоего мне заблуждшему и падшему в тимение глубины, не возгнушайся мене сквернаго, не презри грешнаго моления моего, не остави мене окаяннаго, яко в погибель злобный враг похитити мя ищет: но умолй о мне рожденнаго от Тебе милосердаго Сына Твоего и Бога, да простит великия моя грехи и избавит мя от пагубы моея, яко да и аз, со всеми получившими прощение, воспою и прославлю безмерное милосердие Божие и Твое непостыдное о мне заступление в жизни сей и в нескончаемом веце. Аминь.