Молитва иконе Божией Матери «Изборская»



    Празднование иконы «Изборская» происходит 22 октября (9 октября по старому стилю).

    О чем молятся иконе Божией Матери «Изборская»молятся об избавлении от всякого зла; об исцелении душевных и телесных страстей; об избавлении от нашествия иноплеменных.

    Икона Божией Матери «Изборская»

     icon bogorodiza 2538

    Молитва иконе Богородицы «Изборская»

    О Всемилостивая Госпоже, Пресвятая Дево, Мати Господа Вышних Сил, Небесе и земли Царице, града нашего всемощная Заступнице. С верою и любовию припадаем и поклоняемся Тебе пред Святою и пречистою Твоею чудотворною иконою, ею же дивные и преславные чудеса содеваеши. О Всемилостивая наша Заступнице и непостыдное наше упование, благодарим Тя о всех благодеяниих от Тебе, бывших на нас от древних времен и до ныне. И ныне мы грешнии, воспоминающе, дивное знамение Твоего заступления града нашего Изборска, явленное, во дни ратнаго на сей град нашествия, смиренно молим Тя: яко же древле отцем нашим на помощь тогда ускорила еси и люди изборския от бед спасла еси и многие знамения и чудеса являла еси, так и ныне, Преблагословенная Владычице призри на нас немощных и грешных раб Своих. Сподоби Твоего Матернего заступления и благопопечения, о еже избавитися нам от всякого зла. Но, о Пресвятая Госпоже Владычице Богородице! Со страхом, верою и любовию припадаем пред честною иконою Твоею и умиленною душею и сокрушенным сердцем со слезами молим Тя: отврати от нас, Всемилостивая наша Помощнице и Заступнице, праведный гнев Божий на ны движимый и избави нас, от глада, града, огня, меча, нашествия иноплеменников и междоусобные брани. Храм и град сей добре сохрани и, верою живущих зде, в мире соблюди. Буди нам Заступнице и Ходатаице пред Престолом Всевышнего, идеже предстойши. К кому убо прибегнем, аще не к Тебе, Пресвятая Мати Дево! Не имамы бо иныя помощи, не имамы иныя надежды, разве Тебе, Царице и Владычице! Под Твой Покров притекаем. Молитвами Твоими низпосли Отечеству нашему мир, людем здравие и земли плодоносив, воздуху благорастворение. Избави нас от падений греховных, от навета злых человек, скорбей, бед и внезапныя смерти. Вразумй нас, о Всемилостивая Заступнице, како безгрешно прейти путь земнаго сего жития. Ты бо веси немощи наша, веси и согрешения наша, но и веру зриши и упование вйдиши. Даруй же нам дух сокрушения, смирение сердца, чистоту помышлений, исправление греховной жизни и оставление прегрешений. Укрепи в нас православную веру, вложи в сердца наша дух страха Божия, дух благочестия, дух кротости и смирения, дух любве и терпения, в добрых делех преуспеяние. В Страшный же день Суда Божия, Твоим молитвенным ходатайством и заступлением о Пречистая Владычице, сподоби нас стати одесную Сына Твоего, Христа Бога нашего. емуже подобает всякая слава, честь и поклонение ныне и присно и в бесконечные веки. Аминь.