Молитва иконе Божией Матери Радость Всех Радостей (Серафимово Умиление)



    Празднование иконы Радость Всех Радостей (Серафимово Умиление) происходит 10 августа (28 июля по старому стилю).

    О чем молятся иконе Радость Всех Радостей (Серафимово Умиление): молятся о даровании душевной радости; об исцелении душевных и телесных немощей.

    Икона Божьей Матери Радость Всех Радостей (Серафимово Умиление)

     file 226

    Молитва иконе Богородицы Радость Всех Радостей (Серафимово Умиление)

    О Владычице Богородице, души моея услаждение, изсохшаго сердца моего струе Боготочная, потемненнаго ума моего пресветлый светильниче, ленивыя воли моея путеводительнице, немощи моея сило, наготы облечение, нищеты богатство, неисцелимых ран мощное и скорое врачевание, слез осушение, рыданий утоление, бед претворение, болезней облегчение, уз разрешение, спасения надеждо! Услыши молитву мою: даждь ми время покаяния, ревность спасения, силу в подвизех Богоугождения: сохрани мя от напастей и всяких зол, во искушениих же и бедах простри Твою руку помощи, да возстану в падении и не погибну люте. Дондеже пребываю в сем многоболезненнем житий, не лиши мене даров Твоея милости. Ущедри благостынею Твоею всю христолюбивую братию, зде предстоящую и молящуюся. Младенцы воспитай, юныя настави, старыя поддержи, малодушный утеши, заблуждшия вразуми, вдовицы и сирыя призри и защити, на всех любящих и ненавидящих нас излей богатую Твою милость. И при кончине жизни моея, во время исхода моего от телесе, буди ми Предстательница: болезнь смертную умягчи, тоску утоли и бедную мою душу приведи к вечным обителем, да не возьмет мене темная сила, ниже да увлечет во глубину ада. ей, Преблагая Владычице Богородице, души моея Умиление! Согрей хладное в вере и любви сердце мое слезами умиления; низпосли ми, скорбящему и обремененному грехми, за молитвы преподобнаго отца нашего Серафима, Твоего чтителя, потребную радость и утешение. Да не лишуся убо, Богоневесто, упования моего плода, но да сподоблюся в Бозе и Спасителе моем, возлюбленнем Сыне Твоем, Господе нашем Иисусе Христе, сей прияти. Тому слава и держава, честь и поклонение, со Безначальным его Отцем, и Всесвятым и Благим и Животворящим его Духом, ныне и присно и во веки веков. Аминь.