Молитва иконе Божией Матери «Турковицкая»



    Празднование иконы «Турковицкая» происходит 15 июля (2 июля по старому стилю).

    О чем молятся иконе «Турковицкая»: молятся о возвращении заблуждших детей; об исцелении от слепоты телесной и духовной; от ересей и расколов; об освобождении из плена; о сохранении России; от нашествия иноплеменных; о помощи в скорби и печали.

    Икона Божьей Матери «Турковицкая»

     22

    Молитва иконе Богородицы «Турковицкая»

    О Вселюбящая Мати наша! К Тебе, пред чудным Твоим образом, приносят умиленный глас сердец пастырие и вси людие: старии и младии, вдовы и сироты, богатии и убозии, здравии и болящий, радующийся и печальнии, православнии и иновернии, от всех стран земли нашея собравшеся: Простри, о Крепкая Заступнице мира всего, Твои пречистеи руце к Сыну Твоему и Богу, и умоли его о нас, страдеющих за грехи наши. Страждем, о Утешительнице наша: не имамы бо утешения в чадех наших: оскорбляеми и угнетаеми есмы от сынов и дщерей наших, соблазны мира сего возлюбивших и веру во Христа Бога оставивших. Страждем, о Наставнице заблуждших, понеже сродницы и знаемии наши, оставивше веру православную, истинную и спасительную, во ереси многоразличныя и иноверие уклонишася, и враждою ко Святому Православию преисполнени суть. Страждем, о Умягчительнице злых сердец, йбо несть мира во градех и весях наших, и умножися в них ложь, зависть и злоба ко ближнему своему Страждем, о Подательнице благ земных, ибо тяжци повседневнии труды наши, и не довельни суть к пропитанию нашему Страждем, о Пристанище наше, ибо лишени есмы за грехи храмов Божиих и обителей святых, и не имамы убежища для утешения молитвеннаго. Страждем, о Покровительнице наша, ибо умножишася враги Господа, хулящий его в ожесточении нераскаянных сердец, и проклинающий, и гонящий верных Христу Богу. Люте страждем, о Мати Божественныя Любве, и молим Тя: по данной Тебе от Сына Твоего и Бога нашего благодати мир Церкви Православной испроси, посли чадом ея единомыслие и любовь, умудри пастырей, вразуми и уцеломудри сынов и дщерей наших, настави на путь Святаго Православия отпадших сродников и знаемых наших, взыщи погибающих во тьме неверия, безбожия и богохульства, и умири ожесточение их нераскаянных сердец. Сущим в темницах и изгнании братиям нашим даруй небесную отраду О усопших, иже не ймут сродников, еже молитися о них, Сама буди Молитвенница и Предстательница. В час же грозный смерти, егда душа от тела разлучается, защити от нападения духов злобы, и Святых Таин причаститися сподоби. На Страшном Суде Сына Твоего не престай умоляти его о помиловании нас, и введи нас в Небесныя Обители, идеже радость и блаженство неизреченное и жизнь безконечная. Аминь.