Молитва иконе Божией Матери «Тучная гора»



    Празднование иконы «Тучная гора» происходит 6 апреля (24 марта по старому стилю).

    О чем молятся иконе «Тучная гора»: молятся об обретении духовного спокойствия; об обращении заблуждшаго; при болезнях детей.

    Икона Божьей Матери «Тучная гора»

     004671

    Молитва иконе Богородицы «Тучная гора»

    К Тебе, Владычице, пред иконою Твоею, во умилении преклонив выю свою гордую, взываю: Се аз, грешный, от несущего к Сущему воззван бых, но скоро за моя безчисленныя и мерзкия согрешения вновь в несущее до адовых бездн обращен буду; но из тьмы зловонныя грехов моих молюся Ти, Преблагая: спаси мя, умоли Сына Твоего пождати паки, да не пожрет мя днесь напрасныя смерть, и да по велицей милости его и при благоприятной Твоей, Пречистая, помощи, обращуся от тьмы к Свету, от самолюбия к Боголюбию, от неверия к вере, от зла ко благу, от богомерзости греха к преподобию; аще бо что человеку невозможно бысть, то Богу возможно, и да отныне послужу ко прославлению Сына Твоего, предадяся всеблагой воле его, дабы и мне приити по Страшнем Судище Христовом ко благим и возлюбленным овцам пажити его в радость присную и жизнь вечную. Аминь.