Молитва Пюхтицкой иконе Божией Матери «У источника»



    Празднование Пюхтицкой Иконы «У источника» происходит 1 июля, 28 августа (18 июня, 15 августа по старому стилю).

    О чем молятся Пюхтицкой Иконе «У источника»: молятся об исцелении телесных недугов; об открытии новых целебных источников.

    Пюхтицкая икона Божьей Матери «У источника»

     IstochnikPyuhtitsa

    Молитва Пюхтицкой иконе Богородицы «У источника»

    О Пресвятая и Преблагословенная Мати Сладчайшаго Господа нашего Иисуса Христа! Припадаем и покланяемся Тебе пред светозарным образом Твоим и смиренно молим: прости, Всемилостивая, вся заблуждения наша и вся оскорбления, в ведении или в неведении Сыну Твоему и Спасителю нашему от юности обильно нанесенная неисполнением заповедей его святых, небрежением к святыне, нерадением в молитве и нетерпением в несении креста нашего. Призри на жажду спасения и посильныя труды и пребуди с многогрешным, но оставшимся верным Сыну Твоему малым его стадом по неложному слову его, во Святем евангелие ременному: «Не бойся, малое стадо: яко благоизволи Отец ваш дати вам Царство». О Животворящий Источниче нашего утешения, к Тебе возносим смиренное сие моление и просим Матернего Твоего о нас заступления пред Престолом Отца нашего Небеснаго. Не лиши нас Царства сего благодатнаго за премногия грехи наша, ибо вемы, яко ничто внешнее и самолюбивое, гордое и тщеславное, ни славныя достижения мирския, ни добродетели, с тайным самолюбованием совершаемый, ни степени, ни чины, ни самое иноческое звание не возмогут возвести нас в Царствие Небесное, токмо сердце чистое и дух сокрушенный и смиренный, за многия молитвенныя труды Духом Святым даруемыя. Помози нам оставшиеся дни жизни нашея в духе и истине покланятися Сыну Твоему, Милосердая Богородице, и, стяжав нелицемерную любовь к Богу и ближнему, исполни сию первейшую заповедь Господню, единственно приводящую в Царство Небесное. Невзирая на недостоинство наше, сподоби нас соделатися чадами Божиими по благодати и наследовати жизнь вечную со всеми, в покаянии Богу угодившими, и введи нас, Мати Божия, язвами Сына Твоего Иисуса Претйхаго в Небесный Чертог его, дабы вечно славити и воспевати Пречестное и Великолепое имя Всесвятыя Троицы, Отца и Сына и Святаго Духа, ныне и присно и во веки веков. Аминь.