Молитва иконе Божией Матери «Феодоровская»



    Празднование  иконы «Феодоровская» происходит 27 марта, 29 августа (14 марта, 16 августа по старому стилю).

    О чем молятся иконе «Феодоровская»: молятся при трудных родах; о помощи в семейных и житейских нуждах. Покровительница семей и детей.

    Икона Божьей Матери «Феодоровская»

    p18ioea8o6l9k1fh4pm540a1tjh4

    Молитва иконе Богородицы «Феодоровская»

    О Пресвятая Владычице Богородице и Приснодево Марие, единая надеждо нам грешным! К Тебе прибегаем и Тебе молим, яко велие имаши дерзновение к рождшемуся от Тебе по плоти Господу Богу и Спасителю нашему Иисусу Христу. Не презри слез наших, не возгнушайся воздыханий наших, не отрйни скорби нашея, не посрамй упования нашего на Тя, но Матерними молении Твоими умоли Господа Бога, да сподобит нас, грешных и недостойных, свободитися от грехов и страстей душевных и телесных, миру убо умрети, а ему единому жити во вся дни жизни нашея. О Пресвятая Владычице Богородице! Путешествующим спутешествуй и ограждай и охраняй оныя, избави плененных от пленения, свободи страждущих от бед, утеши сущих в печали, скорбех и напастех, облегчи нищету и всяко злострадание телесное, и даруй всем вся потребная к животу, благочестию и жизни временней. Христолюбивыя и благочестивыя власти наша укрепи и утверди, подаждь здравие и спасение и на враги победу и одоление. Спаси, Владычице, сей град и святую обитель сию, избави я от глада, губительства, труса, потопа, огня, меча, нашествия иноплеменных, междоусобныя брани, и отвратй всякий гнев, на ны праведно движимый. Даруй нам время на покаяние и обращение, избави нас от внезапныя смерти, и во время исхода нашего предстани нам явльшися, Дево Богородице, и избави нас от воздушных мытарств, князей века сего, сподоби на Страшнем Суде Христове стати одесную, и соделай нас наследники вечных благ, да славим великолепое имя Сына Твоего и Бога нашего, со Безначальным его Отцем, и Святым и Благим и Животворящим его Духом, ныне и присно и во веки веков. Аминь.