Молитва иконе Божией Матери «Холмская»



    Празднование  иконы «Холмская» происходит 21 сентября (8 сентября по старому стилю).

    О чем молятся иконе «Холмская»: молятся о защите при нападении врагов.

    Икона Божьей Матери «Холмская»

    001863

    Молитва иконе Богородицы «Холмская»

    О Пресвятая Дево, Мати Христа Бога нашего, всемощная Заступнице страны нашея, со страхом, верою и любовию припадающе к чудотворному образу Твоему, молитвенно взываем: буди милосерда к нам смиренным и недостойным рабом Твоим, и грехов, и беззаконий наших, Благая не помяни, но простри руце Твои ко благосердию Владыки, да не отвратит лица Своего от рабов Своих, и не осудит нас грешных по беззакониям нашим, но сотворит с нами по велицей Своей милости. Ей, Госпоже Владычице! Буди Путеводительница в житий нашем: светом истины умы наша просвети, сердца умягчи, веру укрепи, надежду утвердй, дара любве сподоби. Умилосердися, Всемилостивая Госпоже наша, на немощныя люди Твоя: заблуждшия на путь правый настави, колеблемыя в вере вразуми, отпадшия от благочестивыя веры отеческия возврати, и вся истинному пути научи. Спаси милостию Твоею и помилуй благоверный люди Твоя, епископство православное и весь чин церковный. Не отрини такожде милосердием Твоим и приими под кров Твой и вся правители страны нашея: вразуми и настави их право правити, законы Божественный соблюдая. Нас же в мире и любви друг ко другу утверди, да вси в единении друг со другом пребывающе, тихое и безмятежное житие поживем, и дарами благ земных насладившеся, благ небесных милосердия ради Божественнаго не лишимся. Еще молимся Тебе, Владычице Богородице, избави нас от глада, губительства, землетрясения, потопа, огня, меча, нападения вражия, междоусобныя брани, наглыя смерти, тлетворных болезней и всяких ны зол окружающих. Вонми и услыши, Всемилостивая Госпоже, всех нас ныне к иконе Твоей святей припадающих и со слезами к милосердию Твоему взывающих. Утоли наша печали и буди нам скорая Помощнице во всех делах наших во веки веков. Аминь.