Молитва иконе Божией Матери «Цареградская»



    Празднование  иконы «Цареградская» происходит 8 мая, 30 сентября (25 апреля, 17 сентября по старому стилю).

    О чем молятся иконе «Цареградская»: молятся во время нападений иноплеменных; о помощи во всевозможных житейских нуждах.

    Икона Божьей Матери «Цареградская»

    99321

    Молитва иконе Богородицы «Цареградская»

    К Тебе, Пресвятая Госпоже Богородице, недостойнии раби Твои прибегаем: Ты бо, Преблагая, едина незлобивая еси и велемощная к Сыну Твоему, Христу Богу нашему, за ны грешныя Ходатаица и Непостыдная Предстательница. Веси, яко благость его преступлением Божественных его заповедей зело преогорчйхом: Несть бо грех, егоже мы непотребнии не сотворихом, всяко страх Божий поправше: того ради и Духа благодати и дара преестественнаго сыноположения отвергохомся, и всякаго отвращения и казни достойни сотворйхомся. Веси, Преблагая Заступнице, яко и Твоя милости и дарования мы безумнии забвению предахом, и Твоего милосердия недостойни содеяхомся. Колькраты бо Тя, Госпоже Богородительнице, на умоление Сына Твоего и Бога нашего подвизающе, от злых исправление явити обещахом! Но солгехом окаяннии, и Твое Матернее к Нему за ны грешныя предстательство и заступление ни во чтоже вменихом, и тако зело неблагодарни и злонравии явихомся, и ныне студ свой носяще и ниже воззрети на пречистый Твой образ достойни суще, в покаянии пред ним предстехом. Темже и глаголем: вемы, Владычице, вемы, колико может Твое Матернее ко Христу Богу нашему дерзновение: вемы, яко никтоже, прибегеяй к Тебе, Благосердая, с покаянием и умилением, посрамлен от Тебе бысть, или призываяй Тебе, Пречистая, не услышан от Тебе изыде: чтит бо Сын Твой Тя, Богоневесто, яко Матерь Свою, мйлостивно моления Твоя приемля. Умилосердися убо на ны непотребныя рабы Твоя и, имиже веси судьбами, взыщи ны погйбщыя: просвети наш ум светом Боговедения, да им озарени бывше, всякое злое помышление и всяк безстудных деяний образ до конца отсечем, всем же сердцем заповеди Господни возлюбим и в них непорочно ходити начнем. еще же, о Владычице, и еретическая возстания низложи, разсеянныя собери, заблуждшыя во едино Христово стадо возврати, старость поддержи, юныя вразуми, вдовйцы и сирыя защити, болящыя нецели и скорбящыя утеши. Благоверным и христолюбивым властем нашим крепость на враги деруй, страну нашу миром огради и во веки незыблему соблюди, нам же всем преспеяние в вере и делех благих в долготу дний даруй. Прежде отшедшыя отцы и братию нашу во светлостех райских и селениих праведных упокой, с нимиже и нас всех в покаянии и исповедании приими, да и мы со всеми святыми прославим Пречестное и Пресвятое имя Отца и Сына и Святаго Духа во веки веков. Аминь.