Молитва Киево-Печерской иконе Успения Пресвятой Богородицы

Празднование Киево-Печерской иконы Успения Пресвятой Богородицы происходит 16 мая, 28 августа (3 мая, 15 августа по старому стилю).

О чем молятся Киево-Печерской иконе Успения Пресвятой Богородицы: молятся о защите страны от нашествия врагов; об обличении лжи; при нападениях бесовских.

Для вашего удобства мы создали телеграмм канал в котором каждое утро в 7:07 выходить крутой гороскоп на сегодня

подписаться

Киево-Печерская икона Успения Пресвятой Богородицы

k19 2

Молитва Киево-Печерской иконе Успения Пресвятой Богородицы

О Пресвятая и Преблагословенная Мати Господа и Спаса нашего Иисуса Христа, Пречистая Приснодево Богородице Марие! Припадаем и покланяемся Тебе пред святою и чудотворною иконою Твоею, юже от лет древних чудесы многими и исцеленьми прославити благоизволила еси. Смиренно молимся Тебе, Благой и Милосердой Заступнице нашей: предстательством угодников Твоих преподобных Антония и Феодосия Печерских, вонми гласу грешных молении наших, не презри воздыхании от души, виждь скорби и беды нас обышедшии, и яко любвеобильная воистину Мати потщися на помощь нам беспомощным, унылым, во многая и тяжкия грехи впадшим и присно прогневляющим Господа и Создателя нашего, Егоже умоли, Предстательнице наша, да не погубит нас со беззаконии нашими, но да явит нам человеколюбивую Свою милость. Испроси, Владычице у благости Его всем православным христианом здравие и душевное спасение, благочестное и мирное житие, земли плодоносив, воздуха благорастворение, дождие благовременныя, и благословение свыше на вся благая дела и начинания наша; болящия исцели, скорбящия утеши, бедствующим помози; споспеши всем нам носити иго Христово в терпении и смиренномудрии, и сподоби нас благочестно житие земное скончати, христианскую же непостыдную кончину получити и Небесное Царствие унаслёдовати. О Царице Всепетая, Мати Божия Всеблагая! Простри Богоноснии руце Твои к возлюбленному Сыну Твоему и Богу нашему, умоли Его спасти и избавити от погибели вечныя всех иноков обители Твоея Печерския. Якоже древле на горе Печерстей милость являла еси, Владычице, сице и ныне яви, Богородице, Твоя щедроты над обителию Твоею и над нами недостойными чады Твоими; да и зде в земном странствовании нашем, и по кончине живота нашего будем прославлять Безначальнаго Отца, Единороднаго Его Сына, и Единосущнаго и Святаго Его Духа, и Твое милос-тивное предстательство во веки веков. Аминь.